叫我第二名的部落格

我應該叫你做咩? 爸? 老豆? 太耐冇叫你搞到呢刻有啲尷尬~老豆?嗲哋?

唔好啦!叫番你做阿爸MAN少少

爸~今次算係我咁大個女以來第一次認真寫信比你, 封信唔會寄都唔能夠寄出, 因為我知道寫緊呢刻你係會睇到架!(突然好恐怖添, 哈) 你都走左咁多年, 實成日「靜雞雞」咁番來偷睇我, 掛住我地三姐妹。

我都係, 好掛住你。一直都有好多野想認真寫落來同人分享, 但就係冇人做我忠實聽眾, 難得你有幸呀, 要好好珍惜!

爸呀, 我又睇左一齣戲《星爸克超有種》(原版:堅史葛執導)。跟你一樣, 主角都係爸爸, 係一套西班牙的温情片。不哭不苦, 只有笑, 令我好想好想好想走入戲到, 同其他人一齊笑、野餐、唱歌、圍住營火傾計、跳水...... 有咁多個兄弟姐妹, 一定好快樂的, 是吧?

若果我是他佢地的妹, 咁我就多左533個家姐阿哥lu~ 咁搞Party時就特別熱鬧, 亦特別温暖~

我只知道現實之中, 500多個人係冇可能有血緣上的關係(天呀!主角David兩年內要賣幾多精子先能孕育岀533粒受精卵?!)  

簡單來講, 現代社會人與人之間可以好絕對, 一下子好親近, 一下子好疏遠; 可以互不相干, 可以利益相干。而就有一瞬間, 有人將故事寫成 533 跟1 個爸爸是有關係的, 就唔是荒誕咁可笑。而係社會再唔係獨立個體咁簡單, 佢係互相關連且有血有肉有思想的。

自懂性(有記憶)開始, 我都好抗拒獨立呢回事, 亦係我成長最難克服的難關。佢包括的唔係去茶樓飲茶自己攞位、點餸、洗餐具、埋單......咁簡單, 而係獨立, 就係要你承認 「人生而孤獨」的殘酷事實, 終有一日你都要自己過。

然成長會係咁悲, 我就先唔客氣咁迫自己自閉一啲, 學會享受獨處, 然後喜愛自己一人放空、看書、寫字、說話、玩......

但《星爸克》將原本的我還原了, 我仍然好想依賴別人。 這不是壞事, 是證明事實唔一定絕對: 我要承認 「人生而孤獨」, 但不代表要自我隔離。白痴嗎?!